Хрестоматия по истории

ПОИСКИ ВЕЛИКОГО КНЯЗЯ ДИМИТРИЯ

Князь же Володимер Ондреевич ста на костех  татарских под черным знамянем, и не обрете брата своего великого князя Димитрея Ивановича в полку, токмо едины князи литовские. И повеле трубити собранною трубою и пожда час не обрете брата своего великого князя, нача плакатися и кричати и по полком ездити и не обрете брата своего. И глагола: «Братия моя, кто виде или кто слыша своего пастыря , то перво поражен пастыр и овца разыдутся».

 И рекоша князи лнтовския: «Мы мним , яко жив есть, но уязвен велми: егда в трупе мертвых будет». Аинои рече: «Аз пятого часу видех его крепко быощеся с четырма татарины, но нужно бе ему велми». Юревской ж уноша некто Степан Новосилскои: «Аз видех его пред самым твоим приходом, пеша идуща с побоища, но уязвлена велми, того бо деля не дах ему коня, гоним есми трема татарины: по милости божии едва от них спасохся, а его есми соблюл».

И рече княз Володимер Ондреевич: «Да известно ли еси видел его. Имите ми, брате, веру: аще кто обрящет брата моего, то по истине боле у нас будет». Рачителнии ж отроци разсунушася по побоищу по великому. Овии ж наехаша Михаила Ондреевича Бренка и чаяша его великим князем. Инии ж наехаша князя Федора Романовича Белозерского и чаяша его великим князем, занеже приличен бяше.

Некии ж воини, великии витязи, уклонишася на десную страну в дубраву, единому имя Сабур, а другому Григореи Холопищев, родом же оба костромичи. И мало выехаша с побоища, наехаша великого князя, бита велми и отдыхающа под древом березою, и видевше его и скочиша с коней и поклонишася ему. Сабур же скоро возвратися ко князю Володимеру Ондреевичу и поведа ему, яко княз великии добр здров...

И приведоша ему (великому князю) конь кроток и всед на него, выеха на побоище. И виде многое множество битых, войско свое, а поганых вчетверо того избито. И обратися к Дмитрею Волынцу и рече: «Воистину многоразумен еси человек, и неложна примета твоя, подобает ти всегда воеводствовати». И нача з братом своим и со оставшими князи ездити по побоищу, радостныя слезы испущающе.

 И наехаша место, на нем же лежит 15 князей белозерских, убитых вкупе, толми напрасно бьющиеся единаго ради умре. И близ ту лежит убит Микула Васильевич И паки на иное место приехал, и наехал любовника своего Михаила Ондреевича Бренка  и близ его лежит Семен Мели, твердый страж, и близ его Тимофеи Волуевич. Над ними ж став князь великии, плакася и рече: «Братия моя милая, моего деля образа Михаило убиен еси...» Прииде ж на иное место, обретоша Пересвета  чернца и близ его лежаща нарочитаго богатыря Григорья Капустина. И рече князь великий: «Братия, видите ли своего чиноначалника, той бо победи подобна себе, от него же было пити многим людем горкую чашу».

И став на месте своем, повеле собранною трубою трубити. Храбрыя ж довольно испыта оружия своя о сыны измалтеския , со всех стран  грядуще, аки соколи слетаются под трубный глас весели, ликующе...