ИСТОРИЯ СССР

Ярослав Мудрый -  летопись на древнерусском языке

ПОХВАЛА КНИГАМ

Летопись сообщает, что Ярослав Мудрый любил читать книги и заботился об их переписке.

Рассказывая об этом, летописец пишет «похвалу» книжному чтению, которая показывает, как высоко ценилось в Киевской Руси образование. Печатается по книге «Повесть временных лет», под ред. В. А. Адриановой-Перетц, часть 1-я. М. —Л. 1950, стр. 102—103 и 302—303.

Печатается с сокращениями церковных цитат.

Заложи Ярослав город великый, у него же града суть Златая врата ; заложи же и церковь святыя Софья, митрополью, и посемь церковь на Золотых воротех святыя Богородица благовещенье, посемь святаго Георгия манастырь и святыя Ирины.

И при семь нача вера хрестьяньска плодитися и раширяти, и черноризьци почаша множитися, и манастыреве починаху быти.

И бе Ярослав любя церковныя уставы, попы любяше по велику, излиха же черноризьце, и книгам прилежа, и почитая е часто в нощи и в дне.

И собра писце многы и прекладаше от грек на словеньское писмо. И списаша книгы многы, ими же поучащеся вернии людье наслажаются ученья божественаго.

Яко же бо се некто землю разореть3, другый же насееть, ини же пожинають и ядять пищю бескудну — тако и сь.

Отець бо сего Володимер землю взора и умягчи, рекше крещеньем просветив. Сь же насея книжными сло- весы сердца верных людий; а мы пожинаем, ученье приемлюще книжное.

Велика бо бываеть полза от ученья книжного; книгами бо ка- жеми и учими есмы пути покаянью, мудрость бо обретаем и въздер- жанье от словес книжных.

Се бо суть рекы, напаяюще вселеную, се суть исходищя мудрости; книгам бо есть неищетная глубина: сими бо в печали утешаеми есмы; си суть узда въздержанью...

Ярослав же сей, якоже рекохом, любим бе книгам, и многы написав положи в святей Софьи церкви, юже созда сам. Украси ю златомь и сребромь и сосуды церковными.