ИСТОРИЯ СССР

Никоновская летопись. Походы БАТЫЯ на РУСЬ

Отрывки (№№ 48, 49) о нашествии Батыя на Русь взяты по «Никоновской летописи» — «Полное собрание русских летописей», т. X.

В лето 6745  . Тоя же зимы приидоша от восточный страны на Рязаньскую землю, лесом, безбожнии татарове с царем Батыем и, пришедше, сташа первое станом ту Онузе, и взяша ю и по жогша . И оттоле послаша послы своя, жену чародеицу и два мужа, с нею ко князем Рязаньским, просяще у них десятины во всем: в князех, и в людех, и в доспесех, и в конех. Князи же Рязаньстии Юрьи Иньгваровичь и брат его Олег, и Муромскии и Проньския князи, не пустячи их к городу, выидоша противу им в Воронежь, и отвещаша им князи: «Коли нас не будеть, то все ваше будеть»... Послаша же князи Рязаньстии ко князю Юрью 3 Володимерьскому, просяще себе помощи, или бы и сам пошел; князь же Юрьи сам не иде, ни послуша князей Рязаньских молбы, но хоте сам особь сътворити брань...

Рязаньстии, и Муромстии, и Пронстии изшедъше противу безбожных и сътвориша с ними брань, и бысть сечя зла, и одолеша безбожнии исмаилтяне, и бежаша князи, кийждо во грады своя. Татарове же рассверепевше зело, наипаче начяша воевати землю Рязанскую с великою яростию и грады их разбивающе, и люди секуще, и жгуще, и пленующе. И приидоша окаяннии иноплеменницы под столный их град Рязань, и оступиша град их столный Рязань месяца декабря в 6 день и острогом оградиша его; князи же Рязанстии затворишася во граде с людми, и крепко бившеся и изнемогоша. Татарове же взяша град их Рязань того же месяца в 21, и пожогша весь, а князя Юрья Ингворовичя убиша, и княгиню его и иных князей побиша, а мужи их, жен, и детей... емше5, овых6 разсекаху мечи, а других стрелами состреляху и во огнь вметаху, а иныа емлюще7 вязаху, и груди возрезываху, и жолчь вымаху...

Много же святых церквей огневи предаша, и монастыри и села пожгоша, и имение их поимаша.

Потом же татарове поидоша на Коломну; князь же великий Юрьи Всеволодичь посла противу им сына своего князя Всеволода из Володимеря, и с ним князь Роман Ингваровичь Рязанский с силою своею, а воеводу своего Еремея Глебовичя послал князь велики Юрьи наперед в сторожех, и снястася 8 со Всеволодом и с Романом Ингворовичем у Коломны, и ту оступища их татарове, и бысть сечя зла зело, и прогнаша их к надолобом 9, и ту убиша князя Романа Ингворовичя Рязанского, а у Всеволода Юрьевичя воеводу его Еремея Глебовичя убиша, и иных много мужей побиша, а князь Всеволод в мале дружине прибеже в Володимерь. А татарове поидоша к Москве, и пришед взяша Москву, и воеводу их убиша Филипа Няика, а великого князя Юрьева сына князя Володимера руками яша, а люди вся избиша от старость и до младенец, а иных в плен поведоша, и много имениа вземши отьидоша.

Князь велики же Юрьи Всеволодичь слышев то... и оставив себе место в Володимери со владыкою князя Всеволода и Мстислава   и воеводу своего Петра Ослядюковичя, а сам иде за Волгу за братаничи 2 своими: с Василком Констянтиновичем, и со Всеволодом Констянтиновичем, и с Володимером Констянтиновичем 3 и сташа стана на Сити жда к себе братью свою князя Ярослава Всеволодичя и князя Святослава Всеволодичя6 со воинствы их, а сам начя собирати воинство, а воеводьство приказа Жирославу Михаиловичю.

А татарове в то время приидоша к Володимерю месяца февраля в 3 день, во вторник прежде мясопускъяныя недели6, на память святого Симеона богоприимца; володимерци же со князи своими и с воеводою Петром Ослядюковичем затворишася во граде. Татарове же приидоша к Златым воротом, водяще с собою княжичя Володимера, сына великого князя Юрья Всеволодичя, и начаша вопрошати, глаголюще сице: «Есть ли во граде князь велики Юрьи?» Володимерци же начаша стреляти на них. Они же реша: «Не стреляйте», и приидоша близъко вратом пока- заша имя княжичя их князя Володимера, сына Юрьева, глаголюще: «Знаете ли сего княжичя вашего?» Бе бо уныл лицем, и изнемогл бедою от нужа. Всеволод же и Мстислав стояша на Золотых воротех и познаста брата своего Володимера. О умиле- ное брата видение и слез достойно! Всеволод же и Мстислав з бояры своими и все гражане плакахуся, зряще Володимера. Татарове же отступивше от Златых врат, и объехаша весь град раз- смотряще, и сташа станы на Зремяны пред Златыми враты и около всего града, и бе многое множество их...

Татарове же станы своя урядивше около Володимеря и шедъше взяша град Суздаль...

Сведоша же множество полона в станы своя, и приидоша к Володимерю в суботу мясопускъную, и начаша лесы рядити и порокы  ставити от утра и до вечера, а на ночь огородиша тыном около всего города. Воутрии же видеша князи, и владыка Митро- фан, и воевода Петр Ослядюковичь, и вси боаре и людие, яко уже граду их взяту быти, и возплакашася плачем велиим...

Татарове же заутра в неделю мясопускъную, месяца февраля в 8 день, на первом часу дни, на память святого мученика Феодора Стратилата, приступиша ко граду со все страны, и начяша бита пороки по граду и внутри града, и сыпашася камение велие издалеча божиим попущением, яко дождь внутрь града, и множество бе людей мертвых во граде, и бысть страх и трепет велий на всех, и выбита стену у Златых врат, такоже и от Лыбеди у Орининых врат, и у Медяных такоже и от Клязмы у Воложьских врат, и прочее весь град разбита, и внутрь камением насыпаша, и тако вънидоша по примету во град от Златых врат, такоже, и от Лыбеди и во Оринины врата и в Медяныя, такоже и от Клязмы в Во- ложьскиа, и прочее отовсюду весь град разбивше внидоша в онь яко демони, и взяша новый град до обеда, и весь огню предаша, и ту убиша князя Всеволода з братом и множество боар и людей, а прочии князи и вси людие бежаша в средний град. А владыка Митрофан и великая княгини с сыны и з дочерми своими, и с снохами, и со внучяты, и з боары, и з боарынями и со многими людми бежаша в церковь... и затвориша врата церкви, и взыдоша в церковь на полати,* и затворишася. Татарове же и тот град взяша, и взыскаша князей и княгини, и уведеша, яко в церкви суть...

Татарове же выбиша двери церковныа, и елици   беша в церкви и противишася, избиша их. И начяша пытати их о князех и о княгинях, и уведеша, яко на полатех суть, и начяша лстиво глаголати к ним, да снидут вси с полат; они же не послушаша их. Татарове же много древия наволочиша в церковь около церкви зажгоша, они же с молитвою и с благодарением душа своя предаша госпо- деви огнем сжегъшеся и мученическому лику причтошася; а святую церковь разграбиша и чюдную икону самыя богоматери одраша.

И поидоша оттоле на великого князя Юрья, а друзии идоша к Ростову, инии же к Ярославлю, и взяша и, а инии поидоша на Волгу и на Городец, и ти поплениша все по Волзе и до Галичя Мерьскаго, а инии поидоша к Переаславлю, и тот град взяша, а люди изъсекоша. И оттоле всю ту страну и городы мнози поплениша: Юрьев, Дмитров, Волок, Тферь, ту тоже rf сын Ярославль убиша, и до Торжъку несть места, идеже не воеваша. А на Ростовской и Суздальской земли взяша городов 14, опроче слобод и погостов, в един месяць февраль.

И уже исходящу февралю месяцу приде вестник к великому князю Юрью Всеволодичю, и к брату его Святославу Всеволо- дичю, и к братаничем их к Василку Констянтиновичю, и ко Всеволоду Констянтиновичю и к Володимеру Констянтиновичю, яко град Владимер взят бысть, и епископ, и великая княгини, и князи, и вси людие сожжени быша, а инии избиени, и «старейшаго сына твоего Всеволода и з братьею вне града убиша, а к тебе идут»... И жда брата своего Ярослава, и не бе его, и повеле воеводе своему и окрепляти люди и готовитися на брань, и после мужа храбра Дорофея Семеновичя и с ним три тысящи мужей пытати татар. Он же мало отшед и паки возвратися, глаголя сице: «Господине княже! уже обошлись нас татарове».

То же слышав князь Юрьи, всед на конь с братом Святославом, и с сыновцы   своими: с Василком, и Всеволодом, и с Воло- димером, и с мужи своими, и поидоша противу поганых. И начя князь великий Юрьи Всеволодичь полки ставити, и севнезапу при- спеша татарове на Сить противу князю Юрью. Князь же Юрьи, отложив всю печаль, и поиде к ним; и съступишася обои полцы, и бысть брань велика и сеча зла, и лиашеся кровь аки вода, и попущением божиим победиша татарове русских князей, и ту убиен бысть князь велики Юрьи Всеволодичь Владимерский, и многие воеводы его и боаре, и воиньство его избиено бысть. А братаничя его князя Василка Констянтиновичя Ростовского руками яша и ведоша его с собою до Шероньского леса, и сташа станы ту.