ИСТОРИЯ СССР

ВЕЛИКИЙ НОВГОРОД И ПСКОВ В XII —XV ВЕКАХ

 ЛЕГЕНДЫ О СИБИРСКИХ НАРОДАХ   

Приводимый ниже отрывок, относящийся к концу XI в., взят из Лаврентьевской летописи. «Летопись по

Лаврентьевскому списку», изд. 3-е Археографической комиссии, СПБ 1897.

Се же хощю сказати, яже слышах преже сих 4 лет, яже сказа ми Гюрятя Роговичь Новгородець, глаголя сице:

«яко послах отрок  свой в Печеру, люди, иже суть дань дающе Новугороду; и пришедшю отроку моему к ним, а

оттуду иде в Югру.

Югра же людье есть язык нем, и соседят с Самоядью на полунощных странах.

Югра же рекоша отроку моему: «дивьно мы находихом чюдо, его же несмы слышали преже сих лет, се же третье

лето поча быти; суть горы заидуче в луку моря, имже высота ако до небесе, и( в горах тех кличь велик и говор, и

секуть гору, хотяше высечися; и в горе той просечено оконце мало, и туде молвять, и есть не разумети языку их,

но кажють на железо и помавають рукою, просяще железа: и аще кто дасть им ножь ли, ли секиру и они дають

скорою противу.

Есть же путь до гор тех непроходим пропастьми, снегом и лесом, темже не доходим их всегда; есть же и подаль на полунощии».

Мне же рекшю к Гюряте; «си суть людье заклепении Александром Македоньскым царемь»...

И еще мужи старии ходили за Югру и за Самоядь, яко видевше сами на полунощных странах, спаде туча, и в той

тучи спаде веверица 3 млада, акы теперво рожена, и възрастши и расходится по земли, и пакы бываеть другая

туча и спадають оленци мали в ней, и възрастають и расходятся по земли.