ИСТОРИЯ СССР

ВОСТАНИЯ В НОВГОРОДЕ   

ВОССТАНИЕ ПРОТИВ ПОСАДНИКА ДМИТРА

Новгородьци же пришьдъше Новгороду  створиша вече на посадника Дмитра и на братью его: яко ти повелеша на новгородьцих сребро имати, а по волости куны брати, по купцем виру дикую и повозы возити, и все зло.

Идоша на дворы их грабежьм. А Мирошкин   двор и Дмитров зажьгоша, и житие   их поимаша, а села их распродаша и челядь, а скровища их изъискаша и поимаша без числа, а избытък розделиша по зубу, по 3 гривне по всему городу и на щит; аще кто потаи похватил, а того един бог ведает, и от того мнфзи разбогатеша; a чего на дъщьках  , а то князю оставиша...

ВОССТАНИЕ ПРОТИВ ТЫСЯЦКОГО ВЯЧЕСЛАВА

III.       Възмятеся всь город , и поидоша с веца в оружии на тысячьского Вяцеслава, и разграбиша двор его, и брата его Богу- слава, и Андреичев владыцня стольника, и Давыдков Софийскаго, и Судим,иров; а на Душильця на Липьньскаго старосту тамо послаша грабить, а самого хотеша повесити, нъ ускоци к Ярославу , а жену его яша, рекуче: яко ти на зло князя водять. И бысть мятежь в гоподе велик...

Тъгда отъяша тысячьское у Вячеслава и даша Борису Негоче- вичю, а к князю послаша к Ярославу на том: поеди к нам, забожницье  отложи, судье по волости не слати; на всей воли нашей и на вьсех грамотах Ярославлих ты нашь князь, или ты собе, а мы собе.

Той же зиме побеже Федор Даниловиць с тиуном  Якимом, поимъше с собою 2 княжичя Федора и Александра сыропустыня недели в уторник, в ночь. Тъгда же новгородци реша: дажь что зло съдумав на святую Софию, а побегл, а мы их не гонили, нъ братью, свою есме казнили, а князю есме зла не створили никотораго же; да оно им бог и крест честьныи; а мы собе князя промыслим; и целоваша святую богородицю, яко быти всем одинаковым, и послаша по Михаила  в Цернигов Хота Станимировиця, Гаврилу на Лубяници .

В лето 6737  . Приде князь Михаил из Чернигова в Новъгород, по велице дни Фомине недели исходяче, и ради быша новгородци своему хотению, и целова крест на всей воли новгородьстеи и на всех грамотах Ярославлих; и вда смьрдом на 5 лет дании не платити, кто сбежал на чюжю землю, а сим повеле къто где живеть, како уставили передний князи тако платите дань.

А на Ярославлих любъвницех  поимаша новгородци кун много и на Городищанех  , а дворов их не грабяче, и даша на великыи мост ...